Snart klart for bygging av ny kunstgrasbane
Dimmelsvik Entreprenør har vunne to kunstgraskontraktar i haust, både på Husnes og i Rosendal. Tysdag signerte dei underleverandøravtale med Kvinnherad Elektro.
Publisert
I september tildelte Kvinnherad kommune oppdraget med å leggja kunstgras på den gamle grusbanen på Husnes. Fire tilbod kom inn (eks. moms):
* Dimmelsvik Entreprenør AS, kr 4.104.462,-.
Annonse
* Byggservice AS, kr 4.333.829,47.
* Brødrene Musland Maskin AS, kr 4.374.509,50.
* Vats Anlegg AS, kr 6 732 310,98.
Pris vart vekta 70% og miljø 30%. Omrekna til poeng så vann Dimmelsvik Entreprenør kontrakten. Tysdag denne veka inngjekk dei avtale med Kvinnherad Elektro om elektro og belysningsinstallasjon på den nye kunstgrasbanen på Husnes.
Annonse
«Arbeidet vårt tar til like over nyttår, og den nye banen skal vera klar for opning og bruk til våren. Vi gler oss over at fotballinteresserte barn, ungdom og vaksne i kommunen får utvida kapasitet til sin aktivitet», skreiv Kvinnherad Elektro på Facebook. Dimmelsvik Entreprenør vil starta sin del av jobben ganske snart.
Rosendal
I september vart Dimmelsvik Entreprenør også tildelt oppgraderinga av kunstgrasbanen i Rosendal. Fire av fem tilbod vart godkjende (summar eks. moms):
* Dimmelsvik Entreprenør AS, kr 1 369 084,57.
* Brødrene Musland Maskin AS, kr 1.733.036,-.
* Byggservice, kr 1.881.011,28.
Annonse
* Br. Kråkevik AS, kr 1.890.591,-.
Vektinga var lik som prosjektet på Husnes, og fyrstnemnde vann også her på poeng.
