Tina Abdulla og Storhamar vart første norske laget på 4,5 år som slo Vipers Kristiansand.

Slo «verdas beste klubblag»

Laurdag vart den norske handballsesongen kasta i gang. Tina Abdulla og Storhamar byrja med vanskelegaste kampen først, ein kamp sin markerte kanskje starten på tronskifte i norsk handball.

Håvard Sætrevik
Redaktør/Grenda
Publisert Sist oppdatert

I serieopninga på Hamar var Vipers Kristiansand, laget som ikkje hadde tapt ein kamp for norsk motstand på 4,5 år, og som tok champions league-gull tre år på rad frå 2021 til 2023. Føre 1800 tilskodarar i OBOS Arena på Hamar kom dei til kort mot mellom anna husnesjenta Tina Abdulla.

Tina scora det særs viktige 29-26-målet eit par minutt før slutt, då ho med ei iskald avslutting forbi landslagmålvakt Katrine Lunde i Vipers-målet i praksis avgjorde kampen. Vipers klarte å redusera til 29-28, men Storhamar hadde full kontroll kampen ut.

I og med at dette var serieopninga, så er det eit stykke fram, men det er godt mogeleg dette er starten på eit tronskifte i norsk handball, og at Tina Abdulla og Storhamar no blir laget alle skal slå. Tina laga to mål i denne kampen.

sport handball
Powered by Labrador CMS