Slo Odda2/Tyssedal

I sin tredje treningskamp etter comebacket med herrelag, vann Rosendal 2-1 over Odda 2/Tyssedal.

Laga møttest i februar, med 3-3 som fasit. I førre veke vart oppgjeret mot Njardar Tysnes tapt 3-2. Måndag kveld kom årets første treningskampsiger, då Rosendal reiste til Odda for å møta avdelingskollegaen Odda 2/Tyssedal.

Snorre Jensen og Saromo Paskal sytte for at 1-0 til heimelaget ved pause vart snudd til 2-1 til Rosendal før kampen var over.

– Vi eig store deler av kampen, og har kontroll bakover. Første del av første omgang er vi veldig gode på press, og vinn ballen høgt oppe og vi skapar fleire sjansar. Siste del fram mot pause har Odda initiativet, og vi spring etter. Etter pause har vi god kontroll, og skapar mange sjansar, oppsummerer Rosendal-trenar Reinhard Lund-Mikkelson.