Slik gjekk dagens VM-sprint
Onsdag ettermiddag stilte Guro Femsteinevik på startstreken i sprinten under verdsmeisterskapen i skiskyting for juniorar.
Publisert
Sist oppdatert
19 åringen frå Hatlestrand var blant dei siste som starta i den 7,5 kilometer lange sprinten i Otepää i Estland. Diverre gjekk det litt smått i sporet, og ho kom inn til liggjande skyting som nummer 28. Dei tre fyrste skota gjekk rett ned, før det vart éin bom. Dermed måtte Guro Femsteinevik ta seg ein strafferunde.
Inn til den ståande skytinga låg ho som nummer 29. Også her vart det eitt bomskot. Men på slutten greidde likevel Guro å avansera litt oppover listene, og ho enda som nummer 21. Tida var 1.50,6 bak den svenske vinnaren Sara Andersson. Guro hadde også tre andre frå Norge føre seg på resultatlista.
Annonse
VM held fram med 9 kilometer fellesstart allereie torsdag. I skrivande stund er ikkje startlista gjort kjent. På laurdag er det klart for stafett.
