Sindre og Marianne til topps i Åkra

I eit aldeles strålande vêr pinseaftan gjekk Åkraløpet tradisjonen tru av stabelen. Det er også blitt ein tradisjon at Sindre Solbakken Omvik frå Omvikdalen går til topps, og gjerne også forbetrar sin eigen løyperekord. I fjor vann han på 9.16, noko som var 11 sekundar raskare enn den gamle rekorden i den 3,1 kilometer lange løype.

I år pressa han tida ytterlegare tre sekund ned, til 9.13. I kvinneklassen vann Marianne Korsvold frå Uskedalen på svært gode 12.39.

Det var 171 deltakarar totalt, der 39 sprang i konkurranseklassen. 24 sprang barneløp og resten gjekk i trimklassen.

– Det var varmt, men gode tilhøve for løping, skriv Bjørn Rune Bergane i ei pressemelding.

Grenda kjem attende med komplett resultat- og deltakarliste i papiravisa på torsdag.

Topp 3 menn:

1. Sindre S. Omvik, Gular, 9.13

2. Johannes Heien, Ternen, 10.12

3. Ragnar Koffeld, ingen klubb, 10.58

Topp 3 kvinner:

1. Marianne Korsvold, UIL, 12.39

2. Marta Teigen Varanes, Ternen, 12.40

3. Thea Mathilde Rusten, ingen klubb, 13.23