Sikra plassen midt på tabellen

– Me blei køyrte litt i starten av kampen, og det small litt i stong og tverrliggar, men fann ut av det og justerte oss på plass, seier trenar Arnljot Hvidevoll etter trepoengaren på kunstgraset.

Falkeid small også i keeper Vegard Johnsen, som måtte hinka av med skade, noko som betydde at Kjetil Eide fekk debutera som målvakt, noko han heldt fram med i helgas kamp mot Bremnes 2.

Falkeid tok leiinga, men Simen Mehammer sytte for balanse i rekneskapen til pause Kuba Gromowski sendte Halsnøy i leiinga seks minutt etter kvila, ei leiing dei heldt til kampslutt. Øylaget ligg på sjuandeplass før siste serierunde, og kjem korkje til å flytta seg oppover eller nedover, uavhengig av resultatet mot Finnås på laurdag.