Sigra mot bjørnefjordingar
Trio plukkar poeng i 2. divisjon volleyball for kvinner.
Publisert
Trio sitt damelag i volleyball spelte søndag heimekamp mot Søre Neset Il frå Os, og vann 3-1 etter settsiffer 20-25, 25-20, 25-20 og 25-16.
– Det var ein veldig god kamp av damene, trass litt skadar og utilgjengelege spelarar, vurderer trenar Øystein Lie Sundal etter kampen.
Annonse
Kampen før, mot Rossvoll, enda med tap 2-3 (17-25, 25-23, 25-21, 18-21 og 7-15).
– Ved tap 2-3 får tapar eitt poeng og vinnar to poeng, så innsatsen var likevel ikkje heilt forgjeves, seier Sundal.
Mot Søre Neset var Renate Engelsen Hortman, Ragnhild Kalstad Thorkildsen, Astrid Hauge Slåke, Emilie Skjellesvik Bjørsvik, Solfrid Miljeteig, Amalie Malene Ynnesdal, Oline Skogseth, Thea Elise Eliassen og Victoria Håvik Pedersen på banen.
Neste kamp er på laurdag i Kvinnherad Arena.
