Rulla over den næraste rivalen
Sølvmedaljen var sikra for lenge sidan, men Tina Abdulla og Storhamar viste styrke med å pulverisera bronseplasserte Sola på bortebane.
Publisert
Trass i at dei låg under 11-4 i første omgang, var ikkje løpet køyrt for dei gule og blå frå mjøsbyen. Opphentinga starta ti minutt før pause, og ved kvila var stillinga 13-12 til Sola. Laga følgde kvarandre tett fram til det 50. minutt, då Storhamar leia 20-18. Ti minutt seinare stod det 28-19 til sølvmedaljørane frå Hamar, etter ein imponerande sluttspurt.
Tina Abdulla scora tre mål i det som var nest siste seriekampen for Storhamar i årets sesong. Etter møtet med Tertnes på søndag er det tre veker til det store høgdepunktet for sesongen, Final Four i European League. Semifinalen mot Nantes går 11. mai. Finalen får dagen etter.
