Ragnhild vart nummer 36 - klar for jaktstarten
Det gjekk ikkje heilt vegen for Ragnhild Femsteinevik på dagens sprint. Men å bli nummer 36 i VM i skiskyting er slett ikkje å kimsa av. Dessutan er ho sikra plass på søndagens jaktstart.
Publisert
Sist oppdatert
Med startnummer 38 la Ragnhild Femsteinevik frå Hatlestrand i veg på dagens VM-sprint i tyske Oberhof. Ho skaut éin bom både på liggjande og ståande, og kom i mål 1.52,1 bak vinnaren. Det heldt til 36. plass, noko slik vi forstår er nok til å få gå jaktstarten på søndag. Det var 95 startande på sprinten. På søndag får dei 60 beste stilla opp.
Med tanken på stafetten seinare i meisterskapen, er det også verdt å merka seg at Ragnhild vart den fjerde beste av dei seks frå Norge som gjekk fredagens løp.
Annonse
Verdsmeister vart Denise Herrmann-Wick frå Tyskland, etter feilfri skyting og høg fart i løypa. Deretter kom to svenskar; Hanna Øberg og Linn Persson. Beste norske vart Marte Olsbu Røiseland på 4. plass.
