Ragnhild skal gå VM-sprinten!
Fredag skjer ei verkeleg storhending i Kvinnherad si idrettshistorie. No er det nemleg klart at Ragnhild Femsteinevik skal gå sprinten under verdsmeisterskapen i skiskyting.
Publisert
Sist oppdatert
Onsdag starta årets VM i skiskyting, som går av stabelen i landsbyen Oberhof i Tyskland. Fyrste øving er miksstafetten, men den hoppar vi lett over. For med kvinnherske augo er det på fredag det gjeld. No er det nemleg klart at Ragnhild Femsteinevik frå Hatlestrand stiller på startstreken.
– Det blir kult, melder 27-åringen til Grenda.
Annonse
Sidan Marte Olsbu Røiseland er regjerande olympisk meister, får Norge stilla med fem utøvarar. I tillegg til Femsteinevik og Røiseland, skal Karoline Knotten, Ida Lien og Ingrid Landmark Tandrevold gå.
Stafetten
Løpet startar klokka 14.30 på fredag. Viss Ragnhild gjer det godt der, får ho også gå 10 kilometer jaktstart på søndag. Ein god prestasjon vil også gjera ho høgaktuell for stafetten, som vert arrangert laurdag 18. februar.
