Ragnhild skal gå ankeretappen på stafetten

Skiskyttarsirkuset er denne helga i Pokljuka i Slovenia. Laurdag stod jaktstart på programmet. Det gjekk diverre ikkje så veldig bra for Ragnhild Femsteinevik. Ho kom i mål på 25. plass etter fire bomskot, 2.45,6 bak vinnaren Elvira Øberg frå Sverige.

Men søndag byr det seg nye moglegheiter. Då vert nemleg miks-stafett arrangert, med start klokka 14.25. Den er vel verdt å få med seg. 24 nasjonar stiller på startstreken, og på det norske laget skal Filip Fjeld Andersen gå 1. etappe, Johannes Dale den 2., Karoline Knotten tek seg av den 3., medan Ragnhild Femsteinevik har fått æra av å gå ankeretappen.

Vi ynskjer lukke til!