Ragnhild klar for utlandet etter å ha brynt seg på langrennssprintarane

– Det var mest for moro skyld at eg sette meg i bilen og køyrte til Gålå for å gå sprinten. Samtidig hadde eg lyst på ei skikkeleg gjennomkøyring før renna i svenske Idre. Eg er glad for at eg allereie no får sjansen internasjonalt. Det var ikkje sjølvsagt då eg testa positivt for korona rett før sesongstart. Der og då var det kjedeleg, men no har eg for lengst lagt det bak meg, sa Ragnhild.

Ho må på grunn av nye uttakskriterier gå vegen om IBU-cup, før ho får sleppa til i verdscupen igjen. Dersom ei frisk Femsteinevik hadde gjort det brukbart i de internasjonale opningsrenna på Sjusjøen, så kunne det ha blitt World Cup-deltaking i Østersund. No er det prestasjonane i Idre og Sverige som vil bli avgjerande for kor ferda går videre for den lokale landslagsutøvaren.

Fokuserer på prestasjonane

– Eg fokuserer på arbeidsoppgåver og prestasjonar i det neste løpet, så får resultat og eventuelt nye uttak koma som ein konsekvens av det. Eg føler at formpila peiker riktig veg. Det kjendest bra ut da eg vann norgescupopninga på Geilo, og då eg gjekk utan gevær på Gålå i helga. Vonleg er det ein indikasjon på at farten og formen har blitt betre, sa Ragnhild.

Ho har helt sidan den kjedelege koronabeskjeden kom for ein god månad sidan vore innstilt på at dei første World Cup og IBU-cuprennene kom til å gå utan ho. Derfor har det handla om å gjera det bra på den nasjonale arenaen. Det har 28-åringen gjort. Nå handlar det om å få tatt ut potensialet på de internasjonale skiskyttararenaene dei neste vekene og månadane.

VM i Nove Mesto er målet

Verdsmeisterskapen i Nove Mesto er vinterens hovudmål. Ragnhild er ærleg på at ho har lyst til å kvalifisere seg for det, og ikkje minst prestera i Tsjekkia. Det lagvenninnene på landslaget har prestert så langt i vinter, gler Hålansdalen-utøvaren. Femsteinevik har gjennom sommaren og hausten vore like sterk eller sterkare enn dei på trening.

Det lover godt når dei andre allereie no gjer det så bra som dei gjer. Ragnhild føler ho har halde fram med framgangen.

– Eg har blitt eitt år eldre og har meir trening i kroppen, og ikkje minst meir erfaring. Det er også viktig i denne idretten. Derfor har eg forhåpningar om at det skal vera mogeleg å ha framgang, sjølv om det det blei en litt trå start på sesongen. Forhåpentlegvis så har eg brukt opp sjukdomskvoten i vinter.

– Korleis vil du oppsummera langrennsprestasjonen din på Gålå?

– Eg hadde som mål å gå videre frå prologen. Med tanke på at det var eit sterkt startfelt, så er eg fornøgd med at eg gjekk så fort som eg gjorde. Eg har nesten ingen erfaring med å gå i sprintfelt. Men det var fin trening, og samtidig ei god gjennomkøyring med tanke på det som no venter framover, sa Ragnhild.