Ragnhild gjekk fort, vann og fekk ein kjempestart på det nye året
Ragnhild Femsteinevik var klar for å halda fram der ho sleppte førre sesong då ho fekk korona og ein kropp som ikkje har spelt på lag dei siste vekene og månadane. På laurdag fekk ho endeleg formutløysing og gjekk til topps.
– Det er deileg å kjenna at kroppen responderer på treninga, og endeleg spelar på lag igjen. Det er utruleg viktig både for motivasjonen og ikkje minst sjølvtillita. Den har forståeleg nok ikkje vore på topp etter at eg fekk påvist korona for to og en halv månad sidan. Koronaen har sete i mykje lenger enn det eg håpte – og for så vidt trudde, sa ein glad og letta Ragnhild etter rennet.
28-åringen var ærleg på at det er lenge sidan ho har gått så fort på ski som ho gjorde på Lygna. Hatlestrand-jenta kunne ikkje ha fått ein betre start på det nye idrettsåret enn det hun gjorde. Landslagsløparen hadde endeleg ein «konkurransedyktig» kropp da hun brynte seg på konkurrentane.
Annonse
Det har ikkje Ragnhild hatt før i vinter. Det har rett og slett ikkje fungert etter at ho fekk påvist korona i forkant av dei internasjonale opningsrenna på Sjusjøen. Femsteinevik trudde ikkje på det tidspunktet at koronaen skulle spolere første del av sesongen. Den har i realiteten gjort det.
Kan betre på standplass
– Det er heilt klart i sporet at eg legg grunnlaget for dagens siger. Skytinga var langt under pari. Men det bryr eg meg ikkje så mye om akkurat no, ettersom eg endeleg har fått opp langrennsfarten igjen. Eg har skote bra på trening, og er eigentleg ikkje så uroa, sjølv om det blei mange bom i dag. Det var nok ein kombinasjon av fleire faktorar som førte til fleire strafferundar, sa Femsteinevik etter at hun hadde innkassert årets første seier.
Sigersmarginen var på 12 sekunder. Maren Bakken som ble nummer to, fekk ned 19 av 20 blinkar. Det fortel mykje om langrennsfarten til Femsteinevik at hun vant med seks strafferundar. Det skal eigentleg ikkje vera mogeleg på dette nivået, så lenge det er brukbare skyteforhold. Ragnhild fekk inn mot jul, i jula og først på nyåret ein etterlenga sjanse til å legge ned ein god treningsperiode. Det ser ut til å ha gitt resultat for den kapasitetssterke skiskyttaren.
Annonse
– Eg føler meg mykje piggare no enn eg gjorde før jul. Det gjer at eg gler meg veldig til dei neste rennhelgene, sa Ragnhild som framover mest sannsynleg vil vise seg frå ei heilt anna side enn det ho har gjort så langt i vinter.
