Proff trening for handballjentene
På pittevetle julaftan fekk Kvinnherad handballklubb besøk av ein gjestetrenar som er særs nær klubben. Tina Abdulla kom heim til jul og tok seg tid til ei treningsøkt ilag med jentene på KHK.
Publisert
Sist oppdatert
Sjølv om å trena andre ikkje vanlegvis er noko ho gjer, vart Tina godt tatt imot av heimeklubben.
– Det var jo ikkje noko problem sjølv om eg kanskje var litt nervøs på førehand. Det er veldig flinke jenter her i dag, og dei er engasjerte og villige til å legga litt i treninga, fortalde Tina.
Annonse
Storhamar-proffen losa jentene gjennom ei typisk treningsøkt som ho sjølv har i Storhamar. Dei fekk øva mykje på angrepsspel og bli gode og varme av å springa.
Til vanleg speler ikkje berre Tina for Storhamar, men ho hadde også sin landslagsdebut i haust.
– Eg føler at eg tar steg kvar dag for å bli så god som eg kan. Sjølvsagt er det litt opp og ned, men det går ganske bra, fortalde ho.
Etter treninga tok Tina juleferie før ho skal spela kamp igjen på Jotron Arena i Larvik 30. desember.
Annonse
– Det blir bra med nokre dagar heime no og verkeleg få slappa av og vera med familie og venner, det kjenner eg skal bli veldig godt, avslutta ho.
