Overtydande IBU-siger til Ragnhild

– Det tok tid å koma seg etter koronaen i november, og i tida etterpå var ikkje skytinga særleg god heller, så når skytinga og langrennet endeleg er god samtidig, så er eg veldig nøgd, sa Ragnhild Femsteinevik til Eurovisionsport etter løpet.

Ho gjekk ut med startnummer 29 på den 7,5 kilometer lange sprinten i Obertilliac i Austerrike. Etter første skyting skilde det 0,5 sekund mellom dei tre beste, og midtvegs i løpet hadde Ragnhild 9,7 sekund opp til teten.

Men då Hatlestrand-jenta skaut feilfritt også på ståande, var det vanskeleg å halda tritt med ho, ettersom dei som låg føre Ragnhild alle pådrog seg strafferundar på ståande skyting. I mål var Femsteinevik 14,4 sekund føre andreplassen.

Det betyr at 28-åringen har tilsvarande stort forsprang når jaktstarten går på laurdag.