Opnar nye lysløypa
I samband med renn i langrennskarusellen blir det tysdag høgtidleg opning av den oppgraderte lysløypa i Fjellhaugen Skisenter.
Publisert
Sist oppdatert
Uskedalen IL skal arrangerer karusellrennet, men det er Fjellhaugen Skisenter som inviterer til den offisielle opninga. Med seg får dei Sparebank1 stiftinga Kvinnherad, Kvinnherad Breiband og Vegard Bjørnevik. Sistnemnde har lova å stilla med både ordførarkjede og vintersko.
Kvinnherad Breiband har gjort arbeidet med å skifta ut dei gamle armaturane med nye.
Annonse
– Dei vart ferdig i løpet av veka som var, og dermed kan lysløypa takast i bruk igjen allereie denne veka, og ein må ikkje halda stengt måndag og tysdag, som varsla tidlegare, opplyser styreleiar i Fjellhaugen Skisenter Sissel Haugen.
Dei bles også i gang skitrekket denne helga også, til stor glede for alle som er involverte i skisenteret.
– Me har ikkje fått påfyll av snø, men snøen har vore så våt og frose på igjen, slik at han har ein struktur som gjer det mogeleg å flytta på han, og dermed dekka over det som har behov for det, forklarer Haugen.
– Me kryssar fingrane for at det også blir køyrt trekk på søndag, legg styreleiar i Fjellhaugen Skisenter til.
