Også Jens vann gull
Halvannan time etter jenteduoen Lilli og Emma, gjorde Jens Aasgard akkurat det same; vann gull i NM i sandvolleyball!
Publisert
Sist oppdatert
Finalen for gutar 21 år i NM i sandvolleyball vart spela i Oslo laurdag kveld. Jens Asgard frå Herøysundet/Strand-Ulv og Jonah A. Kjemperud frå Vikersund utgjorde det eine laget, og skulle det visa seg - det klart beste laget. Dei vann like godt to strake sett med relativt komfortable 21-15 og 21-14.
Dermed vart det litt av ei NM-veke for familien Aasgard. Dei tre ungdomane reiser heim med to gull og éin bronse! Sjur tok nemleg gull i G15 og Siri bronse i J19 tidlegare i veka.
