Om det ikkje var folk og fe i sving, var det iallfall hund og herrar. Einar Musland og Nils Gausvik har felles barnebarn, og heldt saman under løpet.

Nytte turen og selskapet

Kring 670 store og små tok seg gjennom løypetraseen søndag. I lag med skuleløpet på fredag blei totalen like under 800.

Håvard Sætrevik
Redaktør/Grenda
Publisert Sist oppdatert

Sjølv om løyperekordar og pallplasseringar får mykje merksemd i Kvinnheradløpet, er det først og fremst ein søndagstur for kvinnheringar og tilreisande i alle mogelege aldrar. I den tenkte klassen 85+ var kvartetten Marita Langesæter, Gunvald Friheim, Leif Thuland og Annlaug Brakstad, og enda 15 til var over 80 år, inkludert engelske Michael Murphy som sprang løpet.

Kvartetten Kristine Skeie (t.v.), Merete Skeie, Mari Anne Feet og Ingrid Skeie trippa seg gjennom løpet. – Eg går for første gong, seier Mari Anne. – Eg også, med den nye hofta mi, repliserer Kvinnheradløp-veteranen Ingrid Skeie (84).

I andre enden fann ein blant anna ni deltakarar som er fødde i år, pluss unge Anna som vart med då pappa Per Harald Löfgren-Johansen sprang løpet med barnevogn.

Både arrangørar og løparar gledde seg over mykje publikum på tribunen under løpet.

– Dette vart ein folkefest, akkurat slik me drøymer om, med fantastisk haust vêr, svært mykje folk rundt løypa og på stadion. Ikkje minst var det svært gledeleg at det var fleire som stilte opp i løpsklassen, og at folk vart verande igjen og heia på løparane då dei kom inn på banen. Rett og slett ei stor oppleving for oss som står bak løpet. Vonleg vil dette bety eit nytt løft for løpsklassen, seier leiar for turgruppa i Rosendal Turnlag Morten Nygård om løpet.

Helge Furdal (t.h.) nærmar seg 40-årsmerket, og er trufast mot Kvinnheradløpet. – Eg har aldri blitt tatt bilde av i Kvinnheradløpet, så det er på tide no, smiler Oddmund Næs når Grenda spør om å få dokumentera dagens innsats. Saman med Grete Solheim er humøret upåklageleg etter vel tre kilometers tur.
– Me var heldige med veret i dag, tykte Torbjørn og Olaug Sandvik på veg gjennom løypa.
Venninnegjengen Veline Høyland (t.v.), Wenche Håvik og Anne Cecilie Naterstad er trufaste mot Kvinnheradløpet, så lenge dei to førstnemde er tilbake i heimbygda når løpet går.
Martin Lunestad døste seg gjennom Kvinnheradløpet i barnevogna, skubba fram av Jon Storækre, medan Johanna Aga Storækre var i bokstaveleg tala gode hender mellom pappa Lars Johan Storækre og bonusbesta Anne Sigrid Totland.
11-åringane Ronja Ramona Haugs Madsgård (t.v.) Mathilde Helvik og Martin Jordal Nedrevåg– Det er ein fin plass å gå tur, og det er ein fin tur. Og så er det fint vêr i dag, konstaterer trioen nøgd.
The Klette Legangers i fint driv; Guro (t.v.), Hans Olav og Nina.
Tynt statistisk grunnlag viser at fire av fem funksjonærar finn Kvinnheradløpet veldig engasjerande. Éin av fem, her illustrert ved Tor Øystein Havnerås, har eit avslappa forhold til det, trass i at løparane er i gang.
friidrett fritid friluftsliv sport
Powered by Labrador CMS