Nytt Kvinnherad-gull i sanden
Ane Guro Hjortland viste igjen at ho er av dei aller beste sandvolleyballspelarane i landet.
Publisert
Sist oppdatert
Frå fredag til søndag var det seniorane sin tur i NM i sandvolleyball. Hatlestrand-jenta Ane Guro Tveit Hjortland, som kom veldig nær ein tur til Tokyo-OL, viste seg utilnærmeleg når norgesmeisterskapen skulle gjerast opp.
Saman med makker Sunniva Helland-Hansen gav ikkje Tveit Hjortland bort eit einast sett på vegen mot gullmedaljen, og dei vann finalen med settsiffera 21-14 og 21-17.
Annonse
Med det vart halvannan veke med NM i sandvolleyball avslutta slik det opna, med sterk dominans av spelarar med tilknyting til Strand-Ulv. Lilli Aksnes Øystese (2 gull), Emma Sandvik Rørdal, Siri Aasgard og Mari Svendsen Fagerlid gjorde som Ane Guro Tveit Hjortland, og henta heim gull frå NM.
Frå onsdag av starta EM i sandvolleyball for Tveit Hjortland.
