Nybyrjarane til topps

Det var Hordaland og Voss skyttarsamlag som stod for gjennomføringa av finalane i Lapua Cup. Staden var miniatyrbanen i Vangdalsåsen ved Tørvikbygd. Cupen har bestått av seks rundar, der dei fire beste talde i samandraget.

12 frå Kvinnherad Skyttarlag var kvalifiserte til finalen, men berre ni av dei hadde anledning til å stilla. Også Vareld, Husnes og Hatlestrand og Ølve var representerte i Tørvikbygd. På laurdag var tidlegare resultat viska ut, og alle skyttarane starta på 0 poeng. Klassane skaut ein innleiande 25-skotserie (uteprogram), og dei beste etter innleiande skyting gjekk vidare til ein superfinale for å avgjera rangeringa i kvar klasse.

Nytta sjansen

Tre kvinnheringar kom seg til superfinale; Stian V. Gjuvsland, Niklas Olav Vågen og Trygve Djuvsland. Originalt nok enda alle på den kjedelege 4. plassen.

Men medaljar vart det til Kvinnherad likevel, i klasse nybyrjar vaksen frå 16 år og oppover. Akkurat i den klassen var det ikkje superfinale. Og det var ein skyttar som eigentleg ikkje var kvalifisert til Tørvikbygd som gjekk heilt topps. Hanne Bakke Berntsen frå Austrepollen låg nemleg på 11. plass etter kvalifiseringsrundane, men sidan fleire av dei på plassane føre ikkje kunne reisa, fekk ho vera med likevel.

Ho nytta sjansen fullt ut, og med 246 poeng tok ho sigeren. Kvinnherad Skyttarlag sikra seg også 2. plassen ved Josephine Vågen, ein plass ho også hadde etter dei seks fyrste rundane.

– To frå Kvinnherad øvst, det var veldig kjekt, seier Hanne til Grenda.

Discoljos

35-åringen, som gjekk på skyteskule hausten 2022, hadde ikkje store ambisjonar før ho la seg på standplass.

– Eg trudde ikkje eg skulle få det til, for eg var så nervøs på førehand. Så eg forventa ikkje å vinna, nei, vedgår ho.

– Gjev sigeren meirsmak?

– Ja, det gir den. Det er kjekt å vera med, og så er det eit veldig godt miljø å vera i, slår Hanne Bakke Berntsen fast.

Ho rosar samstundes arrangementet, der både musikk og discoljos sytte for skikkeleg finalestemning. Og ifølgje rapportane var vaflane svært gode.

25 skot:

ER 14-15 år:

Sondre Cebe Landa, Kvinnherad, nr. 8 med 242 poeng.

Silje Cebe Landa, Kvinnherad, nr. 11 med 240 poeng.

J 16-17 år:

Stian V. Gjuvsland, Vareld, nr. 5 med 239 poeng.

Asle S. Haukenes, Vareld, nr. 6 med 239 poeng.

Klasse 2:

Nils Johnny Skjelnes, Vareld, nr. 4 med 239 poeng.

Klasse 3:

Eivind Larsen, Kvinnherad, nr. 3 med 240 poeng.

Andreas Øvsthus, Vareld, nr. 5 med 229 poeng.

Klasse 3-5:

Eivind Larsen, Kvinnherad, nr. 13 med 240 poeng.

Arvid Tufta, Kvinnherad, nr. 23 med 233 poeng.

Andreas Øvsthus, Vareld, nr. 24 med 229 poeng.

Harald Haavik, Hatlestrand og Ølve, nr. 25 med 227 poeng.

Klasse 4:

Arvid Tufta, Kvinnherad, nr. 9 med 233 poeng.

Harald Haavik, Hatlestrand og Ølve, nr. 10 med 227 poeng.

NV 16+ år:

Hanne Bakke Berntsen, Kvinnherad, nr. 1 med 246 poeng.

Josephine Vågen, Kvinnherad, nr. 2 med 244 poeng.

R 11-13 år:

Niklas Olav Vågen, Kvinnherad, nr. 3 med 237 poeng.

Odin Eikjeland Sørheim, Kvinnherad, nr. 10 med 213 poeng.

V55:

Harald Rørvik, Husnes, nr. 6 med 241 poeng.

V65:

Arnt Orholm, Kvinnherad, nr 6 med 244 poeng.

V73:

Trygve Djuvsland, Vareld, nr. 4 med 248 poeng.

Meisterskap:

J 16-17 år:

Stian V. Gjuvsland, Vareld, nr. 4 med 334,2 poeng.

R 11-13 år:

Niklas Olav Vågen, Kvinnherad, nr. 4 med 334,7 poeng.

V73:

Trygve Djuvsland, Vareld, nr. 4 med 352,4 poeng.