Ny løyperekord rundt Erslandsvatnet

– Kor raskt har du tenkt å springa i dag, spurde Grenda Johannes Heien før løpet.

– 14,20, small det raskt frå gasellen frå Utåker.

Det ville i så fall vore ny løyperekord med eitt sekunds margin. Men Johannes Heien fann nokre sekund til på vegen rundt vatnet, og vart klokka inn på 14,09. Nærast han kom Oddmund Lunestad, som spurtslo Alexis Sandvik inn til andreplassen.

Nøgd

Trass i skodde og litt klamt klima, var det nøgde løparar som passerte målstreken etter løpet.

– Det var nok ein gong utruleg fint. Perfekte forhold, Bra løype, endå betre enn tidlegare, då Iver Blokkum hadde gjort ein framifrå jobb med å gjera løypa mindre glatt. Det var berre å gje på endå meir, skrytte Heien etter målpassering.

Skryten delte han med Oddmund Lunestad.

– Det er første turen min her, og eg syns det var ei veldig bra løype. Ganske ideelle forhold, meinte sølvmedaljøren.

Løypa krev alle typar ferdigheiter, det nyttar ikkje å berre vera god på asfalt. Ein må vera god teknisk, halda seg på beina og likevel ta litt risiko om det skal gå fort nok, slo Heien fast.

– Surt å bli slått i spurten? spurde Grenda Alexis Sandvik.

– Litt, men sånn er det. Eg gav alt eg hadde, og då blei det slik, meinte Sandvik.

Skoddestopp

Arrangørane måtte sjå nokre førehandspåmeldte løparar melda forfall, då skodda stoppa ferja mellom Utåker og Skånevik, men det let likevel vel over frammøtet.

– Det er jo ein dag der det skjer mykje, inkludert fotballcup, open brannstasjon og kampar, så me seier oss nøgde med 50 i turklassen og rundt 20 på tid. Folk frå heile kommunen som kjem, og me er takksame for dei som stiller opp, oppsummerte Julie H. Askeland.

For Idrettslaget Ternen er dagar med løp og aktivitet viktige.

– Idrettslaget er her for alle, og me prøver å leggja til rette for alle, uansett alder og form. I dag har me hatt god stemning, og tilsvarande god respons frå deltakarane, la ho til.

Desse gjekk vatnet rundt i turklassen:

Sebastian Gravdal, Luna Gravdal, Emil Saghaug, Mads Saghaug, Trude Skogtun, Jon Tveit Skogtun, Kjellaug Kopperud, Erna Solheim Bjelland, Randi Sivertsen, Torill Tjelmeland, Linn Johansen, Brynjar Ersland, Inger Grete Ersland, Oddvar Ersland, Live Tangstad Rusten, Øystein Rusten, Karen Oline Tangstad, Elisabeth Langeland, Oda Langeland, Endre Saghaug, Ole Saghaug, Kristina Jakobsen, Kim Sørum, Martin Sørum, Nathaniel Eikemo, Liv Saghaug, Sigmund Saghaug, Sylve Rusten, Olav Inge Rusten, Vivian u. Solheim, Ingrid Solheim Revheim, Jacob Solheim Revheim, Kristine Solheim Revheim, Elisabeth Blokkum, Johanne Handeland, Dagfinn Handeland, Arve Handeland, Susanna Saghaug Tofte, Johannes Handeland, Marit Handeland, Anette Rusten, Unn Tone Haavik Eikeland, Silje Bråtun, Christoffer HjelmelandGuro Bråtun Hjelmeland, Olav Bråtun Hjelmeland, Annika Uherek, Katarina Uherek, Emil UhereK, Stanislav Uherek , Einar Holmedal, Gro Holmedal.