Måtte supplera med gamlekarane
Sjukdom, sydentur og G16-kamp heldt på å hindra Halsnøy frå å gjennomføra kampen mot Skudenes. Heldigvis finst det evergreens på øya.
Publisert
– Det gjekk fint, men det var ein reell fare for at me måtte trekka oss frå kampen. Me hadde fire-fem i Syden, G16-kamp og noko sjukdom. Heldigvis fekk me inn Erik Steinsbø (50), Ingvar Hølland (55) tok keeperhanskane, slik at Vegard Johnsen kunne spela ute, forklarer trenar Arnljot Hvidevoll.
Han var for så vidt på dommarkortet, han også, men avstod frå å entra banen, sidan det ikkje var naudsynt.
Annonse
– Asmir Jakupovic starta som spiss, og så bytta me inn Steinsbø ein halvtime ut i kampen. Han har det enno, og serverte målgjevande til Håvard Vågen på første målet vårt, oppsummerer Hvidevoll.
Han omtalar kampen mot botnlaget som ein potensielt ekkel kamp, for dei har vunne tre av sine fire siste kampar.
– Det var ein liten kunstgrasbane, og planen var å ta dei kontringane me fekk, noko me lukkast, med. Me heldt oss til planen etter pause også, og Erling Hansen stussa inn 2-0 i starten på omgangen, fortel trenaren vidare.
Jakupovic punkterte kampen då han laga 3-1 fem minutt før slutt.
Annonse
– Kjekk siger. Me må gje ei stor takk til dei som bidrar. Me hadde måtta trekka oss utan dei, konkluderer Hvidevoll.
