Mats blanda seg inn i teten
Mats Hansen Eide frå Halsnøy var suverent best i runde 16 av Grendaligaen. Han scora så godt at han no er inne på topp 10 i samandraget.
Publisert
Runde 16 i Fantasy Premier League og Grendaligaen baud på store utslag. Mange låg og vasa under 50 poeng, og snittet var ikkje sprekare enn 47. Men einskilde slo til med kanonsummar. Ein av dei var Mats Hansen Eide. Med 94 poeng var han soleklart best i runden blant våre lokale deltakarar, heile 12 poeng føre nestemann; ein tidlegare redaktør ved namn Tomas Bruvik.
Hovudårsaka til suksessen, var at Mats valde å bruka «Bench Boost». To av benkeslitarane gav faktisk ikkje poeng i det heile, men det betydde lite når dei to andre – Hall og Amad – til saman innkasserte 28 poeng. Elles betalte det seg å ha Gvardiol, Mbeumo, Isak og Cunha i startellevaren, og Salah viste seg igjen som eit brukande kapteinsval.
Annonse
Med denne poengfangsten rykte Liverpool-tilhengaren opp til 9. plass i samandraget. Mats har ikkje meir enn 28 poeng fram til teten.
På skothald
Øvst i samandraget er det framleis utruleg jamt. Berre eitt poeng skil dei tre fremste, men rekkefølgja er litt endra etter at både Niels Jakob Erlingsson og Fabian Ruud sikra seg 50 poeng, medan Tristan Thorsen måtte nøya seg med 48. Også Oddbjørn Sandvik og Terje Øye er no på skothald.
Runde 17 går av stabelen på laurdag og søndag.
Annonse
Topp 10 runde 16
Nr., Lag, Manager, Poeng runde 16, Poeng totalt
1. Bergyltene, Mats Hansen Eide, 94, 1017
2. Bruspurs, Tomas Bruvik, 82, 936
3. Brexit ball, Odin Harsvik, 81, 866
4. Bamsebukt XI, Øyvind Bjørnevik, 76, 1012
Annonse
5. andreas, Andreas Bjørkelund, 75, 991
5. OK+, Kenneth Blokhus, 75, 935
5. Inghild hotspurs, Inghild Christensen Sætrevik, 75, 932
5. TeamSpirit, Kristian Andersson, 75, 856
9. ligge snart på topp, Jim Are Hansen, 73, 978
9. Team Nunnisn, Roger Nundal, 73, 864
Annonse
Topp 10 totalt
Nr., Lag, Manager, Poeng runde 16, Poeng totalt
1. Petit Four, Niels Jakob Erlingsson, 50, 1045
2. Bleikfeite Hyser, Fabian Ruud, 50, 1044
2. high achievements, Tristan Thorsen, 48, 1044
4. Vareld FC, Oddbjørn Sandvik, 59, 1041
Annonse
5. YNWA-Voss, Terje Øye, 67, 1036
6. Roligstart, Tony Fondevik, 67, 1025
6. Strikkeforeningen FC, Christin Medhus Eide, 57, 1025
8. Dreamteam, Kenneth Sjo, 49, 1020
9. Bergyltene, Mats Hansen Eide, 94, 1017
10. Røyrvik, Hilde Røyrvik, 47, 1015
