Martin kjempa om sigeren

Fleire som har gjort det bra internasjonalt dei siste årene, måtte sjå seg slått av den kapasitetssterke Hatlestrand-guten. Martin gjennomførte også ein solid konkurranse på fellesstarten eitt døgn tidlegare. Men då hadde han ikkje ski til å hevda seg heilt i toppen. Det at 29-åringen valte feil skipar, blei skjebnesvangert i kampen om ei pallplassering i den disiplinen.

– Det er viktigare enn nokon gong å velja rett skipar etter at fluorforbodet kom. Konsekvensane av å velja feil skipar og struktur, er rett og slett mykje større enn det var før. Eg følte meg like pigg på laurdagen som på søndagens sprint. Den store forskjellen var at eg då hadde konkurransedyktig utstyr. Det var befriande at eg klarte å setja saman eit bra løp igjen, seier veteranen til Grenda.

Har følt seg sterk i vinter

Martin Femsteinevik er driven av jakta på detaljer som kan gjera han til ein betre skiskyttar. Det er det som gjer at han framleis trenar nærare 1000 timer i året, og bruker så mye tid og energi på skiskytinga som han faktisk gjer. Martin er ein perfeksjonist som lar seg inspirere at han stadig tar små steg. Det er alltid kjekt å slå løparar som har vore ute og gjort det bra internasjonalt.

Martin har bevist at han har det nivået inne. Friskusen blei nummer to da han fekk ein etterlengta sjanse i IBU-cupen. Det er synd at ein som går så fort og skyt så bra, ikkje får fleire sjansar i den settinga. Men det er som han seier litt av minuset med å ha norsk statsborgarskap, og samtidig vera ein del av verdens beste skiskyttarnasjon. I Norge er det mange potensielle pallkandidatar både i IBU-cupen og verdscupen.

Ser frem til fortsetjinga

– Det er inspirerande at eg framleis er med og kjempar om dei beste plasseringane i norgescupen, kor nivået berre blir høgare og høgare. Søndag fungerte det bra både på standplass og i sporet, og då blir det som oftast eit bra totalresultat. Eg føler framleis at jeg har litt å gå på sjølv om eg skaut ni treff og langrennet var bra. Det er fullt mogeleg å skyta fullt hus. Like eins gå fortare enn det eg gjorde då eg er i toppform, sjølv om eg følte meg sprek.

– Korleis blir programmet ditt framover på skiskyttarfronten, Martin?

– Det blir no ein treningsperiode inn mot neste norgescuprunde i starten av februar. Den går på Oppdal, og eg har lyst til å gjera det minst like bra der. Vonleg er eg også kapabel til å kjempa i toppen i alpinbygda, seier Martin som ser frem til andre halvdel av sesongen.