Martin imponerte i NM
Martin Femsteinevik frå Hatlestrand leverte ein svært sterk prestasjon under Norgesmeisterskapen fredag ettermiddag.
Publisert
Sist oppdatert
NM i skiskyting vert i helga arrangert i Alta. Fredag stod mellom anna 10 kilometer sprint for menn på programmet. Av dei 112 på startstreken fann ein fleire av verdas aller beste utøvarar, samt Martin Femsteinevik.
Martin leverte to feilfrie skytingar, og kom i mål til ein imponerande 5. plass. Han gjekk ikkje like raskt i sporet som dei beste, og hamna eit knapt minutt bak vinnaren Sverre Dahlen Aspenes.
Annonse
Det er elles verdt å merka seg at Johannes Thingnes Bø vart nummer tre, berre 23 sekundar føre Martin. Verdsmeisteren noterte seg for éin bom på ståande. Sturla Holm Lægreid kom på plassen bak Martin Femsteinevik.
