Må ta heisen ned til femte divisjon
Då Fana2 slo Odda på laurdag, var nedrykket eit ugjendriveleg faktum for Trio. I siste serierunde gjenstår Folgefonnderbyet, og berre æra att å spela for.
Publisert
– Me frykta dette, når det ikkje vart tre poeng førre helg. Eg syns me har blitt betre utover året, og slår me Odda i siste runde, så blir det ein akseptabel haustsesong, seier Trio-trenar Øystein Ersland etter at opprykksjagande Lyngbø vart for sterke.
Det var eit noko skade- og karantenesvekka Trio som reiste til Bergen, og av dei 14 spelarane som entra kunstgraset, var berre fire eldre enn 20 år. Åtte held framleis junioralder.
Annonse
1-0 kom like før pause, 2-0 like etter.
– Fram til 2-0 hadde me god kontroll på dei, men når dei hadde trygg leiing, så sleppte Lyngbø seg laus viste dei at dei er eit godt lag. No blir det lokaloppgjer mot Odda, så då har me noko å trena mot denne veka. Me skal unngå jumboplassen, det er eit mål, seier Ersland.
– Det har vore ein kjekk haust, men det blei berre nesten for oss. Poenga som skal til for å halda seg, måtte vore tatt i andre kampar enn denne, legg han til avslutningsvis.
