Løyver 25 mill. for å utvikla nytt kunstgras
Innovasjon Norge inviterer norske bedrifter til å utvikla framtidas kunstgras, og annonserer no eit tilskot på 25 millionar kroner.
Publisert
Sist oppdatert
Innan 2031 må alle kunstgrasbanar med gummigranulat bytast ut. Innovasjon Norge ynskjer at norske bedrifter skal finna miljøvennlege alternativ, og set difor av ein stor pott pengar til dette.
– Mikroplast er eit stort miljøproblem og plastgranulat frå kunstgrasbaner er ei viktig kjelde til utslepp. EU har derfor innført eit forbod som gjeld frå 2031. Vi inviterer no næringslivet til ein innovasjonskonkurranse, med mål om å utvikla alternative, berekraftige løysingar. Lukkast vi i Norge, kan desse eksporterast og fornya banar i heile Europa, seier Håkon Haugli, administrerande direktør i Innovasjon Norge, i ei pressemelding.
Annonse
Ifølgje ein ny rapport frå Norges Fotballforbund er det berre i Norge over 1500 kunstgrasbanar som må fornyast innan forbodet trer i kraft. I Europa finst det over 40.000 slike banar.
– Den bedrifta som klarar å knekka koden vil få enorme moglegheiter i ein stort internasjonalt marknad, kommenterer fotballpresident Lise Klaveness.
