Løveleikar på Husnes stadion på laurdag

– Løveleikane er eit friidrettsstemne me vil skal vera eit lyspunkt i kvardagen, der deltakarane kan kjempa i løp, kast, hopp og andre aktivitetar på ulike måtar. Deltakarane får også moglegheit til å testa ut boccia-dugleiken sin, skriv Are Ulseth i friidrettsgruppa til Trio om arrangementet som Lions Club tidlegare hadde ein heldig hand om.

Leikane vert høgtideleg opna og varaordføraren held tale. Medan leikane går av staben vil både Løva, Apen, Høna og Haren vera med å spreia glede og motivasjon til både små og store. Funksjonærane vil losa deltakarane sikkert gjennom dagen, påpeikar Ulseth.

Alle deltakarar vil få t-skjorter, medalje og diplom uavhengig av prestasjon. Påmeldingsfrist er i løpet av onsdag.

– Me har plass til fleire, melder Ulseth.