Laurdag opnar skitrekket: – Velkomen til fjells
Eldsjelene i Fjellhaugen Skisenter er ekstatiske over at dei no kan starta sesongen i alpinbakken.
Publisert
«3x hipp hipp hurra, tjohei og snurramegrundt! Laurdag, altså no på laurdag, skjer det store ting i Fjellhaugen. Vi opnar alpinanlegget for sesongen», jublar skisenteret på Facebook.
Gjengen ynskjer alle velkomne til fjells.
Annonse
«Så kom, kom alle saman; store, små, nybegynnarar, erfarne, barn og besteforeldre, kom til og med om du ikkje vil på ski! Vi tek i mot dåke alle saman, og håpar flest mogleg kjem og deler denne dagen saman med oss», inviterer dei.
Fjellhaugen Skisenter varslar samstundes at nytt styringsanlegg er på plass. Det er testkøyrt og alt skal vera på stell.
Slik vêrmeldingane ser ut i skrivande stund, ligg alt til rette for ei strålande helg i fjellet.
