Landets lågaste motbakkeløp tilbake
I år blir året der Skårhaug Opp går frå å vera ei eingongshending til å bli tradisjon. 15. august blir det reprise på landets lågaste motbakkeløp.
Publisert
Sist oppdatert
Skårhaug Opp 2024 er lagt til torsdag 15. august. Med start på Sandakaien og målgang på Skårhaug, 49 meter over havet.
– Toppturløpet vert rekna som Noregs lågaste. Det vert som i fjor lagt opp til ulike klassar, for dei som vil konkurrera og for dei som berre vil gå den 1,6 km lange løypa som ein tur. Med bakgrunn i oppsummeringsmøte Uskedal Friluftslag hadde med Idrettslaget i 2023, kom ein fram til denne løysinga for årets løp, opplyser uskedalen.no.
Annonse
Uskedal Idrettslag er teknisk arrangør og melder motbakkeløpet inn til kretsen, medan Uskedal Friluftslag er medarrangør og står for kiosksal og lotteri. Det blir lova premieutdeling straks etter løpet er ferdig.
