Lada opp til Birken med triatlonsiger på Sotra

Ingeborg Hestad har dei siste vekene bevist at ho er eit stort triatlon- og sykkeltalent, sjølv om ho ikkje er så glad i å springa. I triatlondebuten blei det siger. Fort gjekk det også i den aller første starten i Birkebeinerrittet.

Ingeborg sykla dei rundt 90 kilometerane mellom Rena og Lillehammer på 3 timer og 47 minutt. Det er det ikkje så mange kvinnelege debutantar som gjer etter ho. 20-åringen klarte det gjeve merket med heile éin times margin. Det er ein indikasjon på at det har gått fort med Rosendal-jenta over fjellet. Det er berre ein liten del av Birken-deltakarane som er gode nok til å sykla under fire timer. Hestad var det då ho for første gang sykla det prestisjefylte rittet.

Vant triatlon på Sotra

– Eg er veldig fornøgd med måten eg gjennomfører mitt første birkebeinerritt på. Målet før start var å disponera kreftene på ein slik måte at eg fekk ei god oppleving. Eg følte at eg klarte det ettersom eg hadde krefter igjen mot slutten, sa den lokale debutanten etter knappe fire timer på sykkelsetet.

Det var for ho og Kvinnherad-syklistane, ei stor oppleving å få trakke seg fram i den flotte naturen mellom Rena og Lillehammer.

Ingeborg Hestad kan fortelja at ho er forholdsvis fersk i sykkelsamanheng. Hun fatta interesse for den idretten for to år sidan då koronaen gjorde sitt inntog. I etterkant har Ingeborg brukt mykje tid på sykkelen. I år har ho trent 10-12 timar i veka. Det treningsarbeidet som hun har lagt ned ser ut til å gje resultat. Ho har nemleg markert seg både i sykkel og triatlon i det siste. Først då hun var beste dame i en triatlonkonkurranse på Sotra.

– Det gjekk eigentleg over all forventning i den konkurransen. Eg hadde ingen triatlonerfaring, og var spent før start. Det gjekk overraskande bra, sa den kapasitetssterke 20-åringen som også var spent føre sin første start i Birkebeinerrittet. Ho var først og fremst på korleis det ville bli å halda hjula i gang så lenge som ein må i eit så langt og krevjande ritt.

Sosialt og sportsleg

Det var fleire lange og bratte motbakker enn det Hestad hadde sett for seg, sjølv om ho hadde studert løypeprofilen og var førebudd på at det kom til å bli tøffe tak undervegs. Ingeborg har sykla ein del ritt i år. Både Haugesund-Sauda, Bergen-Voss og Skjærgårdsrittet er blant dei som er gjennomførte.

– Eg hadde totalt sett ei god oppleving, og har lyst til å sykla Birkebeinerrittet fleire gonger. Det ligg nok an til at eg stiller igjen neste år, både på grunn av det sosiale og at dette er en fin sportsleg utfordring, sa Ingeborg som trur det med meir erfaring skal vera mogeleg å sykla fortare enn det ho gjorde i år.