Kvinnheradmeisterskap på søndag

Det er tettpakka program, stor aldersspreiing og full fart i vente når Trio inviterer til KM i friidrett på søndag.

Fjorårets nyskaping med 100 meter løp for barn opp til fem år – med eller utan følge, blir vidareført. I tillegg skal det alderstilpassa konkurrerast i sleggekast, kule, liten ball, lengde, høgde og stavhopp, i tillegg til eit nennsamt utval løpsøvingar, for dei i skulealder og eldre.

– Dette blir gøy, lover friidrettsleiar hos Trio Are Ulseth

For dei aller yngste er det påmelding på staden, og alle får premie etter målgang. For dei i skulealder og eldre blir det gjennomført påmelding i forkant av meisterskapen.