Kvartfinaleklar etter sekunddrama
13 sekund før slutt sikra Storhamar kvartfinaleplassen i European League, då Anniken Obaldli sette inn sigersmålet mot danske Nykøbing.
Publisert
Sist oppdatert
27-26-sigeren gav ikkje berre Storhamar tabelleiinga i gruppe A, men dei sikra med det at korkje Nykøbing Falster eller ungarske Vaci NKSE vil kunna ta dei igjen. Med det er kvartfinaleplassen sikra for Tina Abdulla og Storhamar.
Oppgjeret i Boligpartner Arena på Hamar var tett heile vegen fram til sigersmålet til Obaldli,
Annonse
– Me møtte eit godt lag. Dei spelte med kniven mot strupa, mens me hadde litt trygge omgjevnader. I førsteomgang spilte me veldig bra angrepshandball og tapte mange ekstremt mange duellar bakover. I andreomgang ble det både-og, vurderte Storhamar-trener Kenneth Gabrielsen etter kampen, i følgje nettsida til Storhamar Håndball Elite.
Motstandar i kvartfinalen blir enten tyske Thüringer eller rumenske Dunarea Braila, alt etter resultatet til Storhamar i siste gruppespelskampen, borte mot ungarske Vaci NKSE på søndag.
Tina Abdulla noterte seg for eitt mål i søndagens kamp.
