Kunne kåra ti Kvinnheradmeistrar i langrenn

Kring 40 løparar hadde funne vegen til Fjellhaugen tysdag kveld, der det i klassane frå 11 år og oppover skulle kårast Kvinnheradmeister.

– Trass i at det var kveldsrenn og litt grått vêr, så kom det meir løparar denne tysdagen enn det har vore på dei andre karusellrenna. I tillegg var det mange på barneskirennet, og det er kjekt å sjå. Det mangla ikkje mange av dei som pleier å gå på ski, seier Kjetil Mehl frå arrangørklubben Omvikdalen IL.

Tysdag kveld var det definitivt klisterføre i Fjellhaugen, med eit par grader og yr i lufta.

– Det var lett for folk å smørja til dette løpet. Dessverre har fet var ein utfordrande vinter med ustabile forhold, både for dei som står på ski bortover og nedover. Såleis har det vore ein kjedeleg vinter både for løparar og drivarar av alpintrekk, kommenterer Mehl.

Tvilling-tettleik

Mehl sjølv far til to av løparane som gjekk deltok tysdag, tvillingparet Maiken og Sondre Mehl. Dei er ikkje aleine om å vera tvillingpar på startstreken, og førekomsten av tvillingar i Kvinnherad-langrennet har vore høg i mange år. Denne tysdagen var det heile fem tvillingpar av dei rundt 40 løparane.