Kom heim med NM-medaljar
Førre helg vart NM i volleyball for vidaregåande skular arrangert, og fleire kvinnheringar kom derifrå med medaljar.
Publisert
Fusa vidaregåande skule reiste med eit mikslag der alle spelarane er Strand-Ulv spelarar. Silje Vik, Julie Bjørkelund, Jenny Håland Lie, Merethe Gårder Eikeland, Lone Sofi Silke, Odin Mikal Uglenes Falch, David Eikeland og Eirik Gjuvsland utgjorde gjengen som kjempa seg til semifinale etter siger i tie break over Lyngdal i kvartfinalen. I semifinalen måtte dei gje tapt i tie break, men dei måtte også gjennom tie break i bronsefinalen. Der vart Skeisvang frå Haugesund slått, og bronsen eit faktum.
Fredrik Nistad (Hatlestrand) og Emma Sandvik Rødal (Varaldsøy) var med Tertnes vidaregåande skule då dei vann guteklassen.
