Klart for stor volleyballturnering
Kvinnherad Arena vil både laurdag og søndag stå i volleyballens teikn.
Publisert
Volleyballgruppa til IL Trio skal komande laurdag og søndag arrangera seriehelg i Kvinnherad Arena. Laurdagen er det U17 som skal i aksjon, medan det er U15 som skal på banen dagen etter.
– Det er påmeldt 40 lag i fire klassar. Og vi skal avvikla 91 kampar i helga. IL Trio stiller med lag i tre klassar, opplyser Øystein Lie Sundal i volleyballgruppa.
Annonse
Til turneringa kjem ungdomar frå heile Vestlandet.
«Ver med og heia og følgja med frå tribunen. Vi byr på kiosksal og mykje moro», vert det lova på turneringa sin plakat.
