Kjempeløp sikra Guro NM-sølv i Oppdal

– Eg er veldig fornøgd med at eg skyt fullt hus på dei tre første skytingane, går fort i sporet og er med og kjempar om gullet. Det blei dessverre tre bom på den fjerde og siste skytinga. Eg er i etterkant at eg burde tatt meg betre tid der. Skota kom nok litt for fort og tett, sa Guro etter at ho hadde hamla opp med dei fleste av konkurrentane i det sterke startfeltet. Det var ein veldig nøgd kvinnhering som tok av seg skiene.

Har lyst på Estland-tur

Den nest yngste av Femsteinevik-søsknena var langt meir tilfreds med at ho leverte eit solid løp og blei nummer to, enn ho var skuffa over at sjansen til gull forsvann på den siste skytinga. Medaljane heng høgt i junior-NM, og spesielt når du tilhøyrer den yngste årgangen i klassen, og konkurrerer med dem som er eitt og to år eldre. Då er det mykje vanskelegare å hevda seg enn når det er reine årsklasser, som det var fram til i vinter.

Guro Femsteinevik fekk omgangssjuke etter norgescuprennene på Lygna for knappe tre veker sidan. 19-åringen rakk både å bli frisk og samtidig bygge opp ein formtopp til junior-NM. Det kan visa seg å bli heilt avgjerande i forhold til junior-VM-uttaket. Juniorverdsmeisterskapen i Estland er vinterens store mål. Guro føler at det er god mogelegheit for at ho kan bli ein del av den norske troppen der etter at ho kjempa om sigeren på fredag.

– Kor god er du no samanlikna med i fjor og det du presterte før jul?

– Eg er mykje piggare no enn eg var for eitt år sidan. Då sleit eg med ein kropp som bar preg av at eg hadde hatt korona på haustparten. Eg gjekk nok like fort før jul som eg gjer no. Men på standplass er eg kanskje litt tryggare. Eg føler at tre feilfrie seriar på rad i dag vitnar om det. Så får eg prøve å læra av at det var tre av fem skot som hamna utanfor blinken på ståande, sa Guro som er inne i en veldig god stim for tiden.

Slapp unna stormbygene

Det har vore full storm og forferdeleg ver i Trøndelag dei siste dagane. Det var derfor knytt stor spenning til om det var mogeleg å få gjennomført junior-NM i alpinbygda Oppdal. Vinden bli heldigvis ikkje problematisk på fredag.

– Det var meir utfordrande at det kom så mykje nedbør som det gjorde. Eg følte ikkje at vinden var noko hinder for å få ned fleire blinkar, då eg skaut tre bom på fjerde og siste skyting, sa Guro som nå begynner å ha en bra samling med NM-medaljar.

Fleire kjem det nok til å bli ettersom ho framleis held junioralder i to år til. Det gjer at ho neppe har vore på sigerspallen i eit nasjonalt juniornorgesmeisterskap for siste gong.