– Kjekt å spela!
Det var mange lag som melde seg på årets Romjulscup. Deltakarar melder om kjekke kampar og mykje folk på tribunen i Kvinnherad Arena.
Sju damelag og 18 herrelag stilte opp på innecupen som IL Trio arrangerte i romjula. Andre juledag var det gruppespel, der fire damelag og åtte herrelag gjekk vidare til sluttspelet tredje juledag. Laget Smurfane stakk av med sigeren i dameklassa etter finalen mot laget Furdal&Co.
– Me spelte nokså jamt mot motstandaren i finalen, så det var ein spanande kamp, fortel Mia Øvrevik Farestad i vinnarlaget.
Annonse
Smurfene var sett saman av folk i ulike aldrar frå ulike plassar, noko Farestad syntest var artig. Blant herrene var det laget Kapteinens Disipler som til slutt tok sigeren, etter finale mot Barely Athletic FC.
Knirkefritt
Rolf Vidar Hansen var med i arrangørgruppa, og er svært nøgd med arrangementet.
– Det gjekk heilt knirkefritt. Det var jo ingen skadar, og alt gjekk bra, seier han.
Annonse
Mia Øvrevik Farestad synest det var ei morosam turnering, med mange folk som kom og såg på.
– Den andre dagen var det fullt på tribunen, så det var bra. Det var god stemning, kjekke lag, og kjekt å spela, fortel Farestad.
Resultat
Semifinalar herrar:
Barely Athletic FC - Sunde Allstars 3-0
Kapteinens disipler - First Price Galacticos 2-1
Annonse
Finale:
Kapteinens disipler - Barely Athletic 1-0
Semifinalar kvinner:
Smurfane - Trio J14 3-0
Furdal & Co - Fireballers 2-1
Finale:
Annonse
Smurfane - Furdal&Co 2-0
Kapteinens disipler vann alle kampane sine. Smurfane hadde éin uavgjort-kamp i gruppespelet, men vann resten. Merk elles Kongelaget ikkje var med for fyrste gong sidan midten av 90-talet. Ifølgje arrangøren var årsaka alderdom.
