I ferd med å overta hegemoniet i Norge

Isolert sett handla oppgjeret mellom Storhamar og Vipers Kristiansand om kven som skulle sikra seg semifinalebilletten i norgesmeisterskapen. I det større biletet var kampen mellom eit lag som er på veg opp og eit lag som går konkurs ein av dei næraste dagane.

Den siste dagen i august møttest laga på Hamar, og Vipers Kristiansand gjekk på sitt første tap for eit norsk lag på fire år. Eittmålssigeren til Storhamar var det første varselet om at noko var i ferd med å endra seg i norsk kvinnehandball. Onsdag var det to mål som skilde, men med same sigerkvinne.

Semifinalemotstandar blir Oppsal, noko Tina Abdulla var godt nøgd med.

– Det er ei fin trekning. Med så mange reisedagar me har i løpet av sesongen, var det heilt ypparleg med ein kortare tur til Oslo. No er det berre viktig for oss å vera påskrudde og halda fram med det gode spelet både framover og bakover. Det er rett og slett heilt opp til oss sjølve kor langt vegen skal gå videre i NM, og me skal gjere alt for at den tittelen blir vår, seier Tina Abdulla om trekninga til Storhamar si nettside.