Guro Femsteinevik kom på 17. plass under fellesstarten torsdag. Laurdag er det stafett og avslutting på junior-VM i skiskyting i Otepaa i Estland.

Guro i VM: 17. plass på fellesstarten

Torsdag gjekk fellesstarten i junior-VM, og Guro Femsteinevik tok seg inn til ein 17. plass. Laurdag blir det stafett på ho.

Håvard Sætrevik
Redaktør/Grenda
Publisert Sist oppdatert

Det stilte 60 skiskyttarar på startstreken då den ni kilometer lange fellesstarten i junior-VM starta på torsdag, med Guro Femsteinevik blant desse.

Ho starta med feilfri skyting på frøste liggjande, og var då oppe på niandeplass. To bom på andre skyting sendte og ned til 24. plass etter halvgått løp. Deretter klatra ho seg oppover i feltet, sjølv om ho måtte tåla éin bom på kvar av ståandeseriane. Guro kom i mål som nummer 17.

Laurdag er siste VM-dag, og meisterskapen blir avslutta med stafett.

– Eg skal gå den, stadfestar Guro til Grenda.

sport skiskyting
Powered by Labrador CMS