– God kamptrening før neste helg
Eit ekstra ungt gutelag frå Strand-Ulv beit fint frå seg i regionsmeisterskapen for 19-åringar. Komande helg har dei større forhåpningar for.
Publisert
Trass i at det var 19-årsklassen det vart tevla i, var dei ikkje ein einaste på Strand-Ulv sitt G19-lag som ikkje kan spela til helga, når det er regionsmeisterskap for 17-årslaga.
Det innleiande puljespelet sendte gutane ut i ein kvartfinale mot Framnes der trenar Trine Sundfjord tykte seg bortdømd.
Annonse
– Eg plar ikkje seia slikt, men eg føler at dommaren gjorde negative utslag for oss i denne kampen, seier Sundfjord.
Det blei til slutt 7. plass på gutane, etter tap 17-19 i tredje sett i den første av plasseringskampane søndag.
– I kampen om 7 .plass blei det ein grei seier mot Sotra. Ei helg med litt stang ut for gutane, litt varierande spel, men formålet med å stilla var kamptrening fram mot u-17 RM og det fekk me, sluttar trenaren.
