Gløymde å byta – vann runden

Grenda sin daglege leiar Jarle Håvik sjokkerte både seg sjølv og alle andre med å vinna helgas runde i Grendaligaen. Å endeleg gjera seg bemerka i konkuransen, tykkjer valebuen er litt stas.

– Ja, men samstundes er det litt bittert å vera god når alle andre er dårlege. Eg veit ikkje kva det fortel om laget mitt, sukkar han.

Suksessen skuldast fyrst og fremst at midtbanen var befolka med Maddison, Salah og Rogers, og på topp køyrde Håvik med Strand Larsen og Wood. Aina og Gvardiol i forsvarsrekka var også gull. Alt dette sytte for knallsterke 75 poeng, eitt føre Tom Enes. Men ting skulle eigentleg sett litt annleis ut.

– Eg vurderte å gjera endringar, men gløymde det, rett og slett. Som så ofte før tenkte eg på smarte ting, men følte ikkje eg kunne gjera byta på tysdag, i tilfelle det skjedde noko. På fredag gløymde eg det, sjølvsagt. Men hadde eg gjort det eg tenkte, så hadde eg ikkje vunne runden, avslører Håvik. Planen var mellom anna å selja Maddison og køyra Salah som kaptein.

Dei som sluttar

Grenda har også ein internliga for noverande og tidlegare tilsette. Den vert skandaløst nok leia av Gunn-Bente Stølen, som hevdar ho ikkje har peiling på fotball.

– Vil du kommentera at du no ligg på 2. plass i denne ligaen bak Gunn-Bente?

– Nei, det vil berre setja Gunn-Bente i eit godt lys, så kva skulle det hjelpa meg? Men vi kan derimot konkludera at dei som sluttar i Grenda slit i Grendaligaen, smiler Håvik, og tenkjer på dei tidlegare kollegaene Marius Nissestad og Håvard Sætrevik som har hatt ein dyster sesong så langt.

I samandraget toppar Daidalos Dahle for andre veka på rad. Han leiar no med 15 poeng på kommunen sin økonomisjef Niels Jakob Erlingsson.

Topp 10 runde 10

Nr., Lag, Manager, Poeng runde 10, Poeng totalt

1. JHFC, Jarle Håvik, 75, 574

2. Utskot Camping BIL, Tom Enes, 74, 448

3. Leganger Kings, Morten Leganger, 73, 636

4. Benrahmas in Pyjamas, Tobias Hallquist, 70, 601

5. Ska slå Geir, Eirik Brakestad, 67, 617

6. YNWA-Voss, Terje Øye, 66, 634

6. Team Diallo, Fredrik Eide, 66, 560

8. Los Feetos, Trond Eirik Feet, 65, 606

9. andreas, Andreas Bjørkelund, 64, 588

10. The Red Jedi’s, Frode Lauka Skoknes, 63, 562

Topp 10 totalt

Nr., Lag, Manager, Poeng runde 10, Poeng totalt

1. SyltynnGutMedPonny, Daidalos Dahle, 60, 667

2. Petit Four, Niels Jakob Erlingsson, 59, 652

3. Vareld FC, Oddbjørn Sandvik, 56, 651

4. Mr. Lee, Robin Davidsen, 41, 645

5. Kenneth’s Kickers, Kenneth Røssland, 51, 640

6. Leganger Kings, Morten Leganger, 73, 636

6. 46ers!, Chriss André Grønstøl, 36, 636

8. Mine Utvalgte, Martin Haga, 62, 634

8. YNWA-Voss, Terje Øye, 66, 634

10. Livin’ Saliba Loca, Stian Mælen, 53, 632

10. Brix and the kids, Christopher Brix, 51, 632