Gitle blei den femte av søskena som debuterte i Hovedlandsrennet

Dermed har alle fem søskena deltatt i det største og viktigaste rennet for 15- og 16-åringer. Hovedlandsrennet som har status som uoffisielt norgesmeisterskap for denne aldersgruppa, var eit stort mål for dei fire andre da dei gjekk i niande og tiande klasse på ungdomsskolen. Dei kunne reisa heim med topplasseringar. Det første møtet med dei beste i landet gav dei inspirasjon til å satsa videre. Det ser me resultatet av i dag.

Martin har vore på juniorlandslag og er seniornorgesmester. 29-åringen har også vore på pallen i IBU-cuprenn, og gjer framleis livet surt for dei fleste som har lyst til å representere Norge. Ragnhild er på damelandslaget og er World Cup-løpar når ho er frisk og rask. Guro har potensial til å bli det, og skal seinare i månaden i aksjon i junior-VM. Otto måtte gi seg av helsemessige grunnar, og er den einaste av søskena som ikkje er aktiv.

Det siste skotet på stamma

Gitle Femsteinevik som fyller 15 år i mars, er det siste skotet på stamma i den skiskyttarinteresserte familien. Den unge tenåringen beviste i sin første start i Hovedlandsrennet, at også han har stoff i seg til å koma langt. Gitle kan fortelja at han har eit litt meir avslappa forhold til skiskyting, enn det hans eldre søsken har. Hatlestrand-guten er først og fremt med fordi det er moro å vera ein del av skiskyttarmiljøet.

– Eg spelar også volleyball. Det er også ein kjekk idrett. Ein eller to gonger i veka er eg med på skiskyttartreningar i Hålandsdalen. Eg får også nokre tips av mine eldre søsken. Dei er flinke til å dele sin kunnskap med meg, seier Gitle etter at han hadde vore i aksjon i Hovedlandsrennet.

Der blei det ein flott 26.plass på ungdomsskuleeleven. Han har til liks med Martin, Ragnhild og Guro, stoff i seg til å bli god, dersom han får lyst til å satse.

Tenker å gå på Liatoppen

Hovedlandsrennet var på mange måtar Gitle sitt store mål på skiskyttarfronten i vinter. Gitle var berre seks-sju år da han begynte å vea med sine eldre søsken på trening. Sidan har han meir eller mindre vore i miljøet. Den lokale Hovedlandsrennet-debutanten skal ha med seg nokre renn til før han avsluttar sesongen i Ål i Hallingdal. Det har for lengst blitt tradisjon at familien er representert i Liatopp-sprinten.

Det er det største skiskyttararrangementet i verda, og det kjem skiskyttarrekruttar frå mange forskjellige land for å vea med. Det sosiale er minst like viktig som det sportslege på dette arrangementet. Derfor har Liatopp-sprinten ei høg stjerne i miljøet. Gitle svarer ja på spørsmålet om han tenker å halda fram med skiskyting. Han har pappa som trener, og han har vore ein god læremeister for resten i den skiskyttarinteresserte familien.