Genialt kapteinsval

I 80 minuttar såg Manchester United ut som verdas dårlegaste fotballag. Så scora Amad Diallo hat trick. Det passa utruleg bra for Mats Johan Eriksen, som hadde gambla på den slepne teknikaren som kaptein.

Mats Johan Eriksen hadde ein fantastisk runde 21 i Fantasy Premier League og Grendaligaen. I sistnemnde var han éin av berre to deltakarar som fekk meir enn hundre poeng. Trond Thorsen noterte seg for akkurat 100, medan Eriksen sikra seg heile 104. Hovudgrunnen til suksessen er sjølvsagt det uortodokse valet av Amad som kaptein. Det åleine gav 40 poeng.

Men sidan Eriksen sjølv er Manchester United-tilhengar, så tenkte han nok at kampen mot Southampton kunne passa perfekt for spelaren frå Elfenbeinskysten.

Henderson i mål, Robinson i forsvar, Palmer på midten, og Isak og Wood i angrep var også gode sjakktrekk av matros Mats Johan Eriksen, som sjølv spelar fotball for Halsnøy.

Tok innpå

I teten er framleis Niels Jakob Erlingsson øvst. Men Terje Øye tok innpå med 11 poeng, så avstanden er no berre fattige fire. Dei to har ei lita luke ned til Mats Hansen Eide og Christin Medhus Eide.

Det går unna i Premier League. Ny runde startar allereie tidleg laurdag.

Topp 10 runde 21

Nr., Lag, Manager, Poeng runde 21, Poeng totalt

1. Svartpanther, Mats Johan Eriksen, 104, 1200

2. Tronaldinhos, Trond Thorsen, 100, 1239

3. Tuebaronen FC, Rolf Christian Mehl, 99, 1307

3. Fosse FC, Geir Ove Fosse, 99, 1137

5. Batigol, Roald Nissestad, 97, 1245

6. Livets vann, Johan Feet, 96, 1396

6. Portswood FC, Torstein Monsen, 96, 1359

6. Boca Juniors Ølve, Tommy Bjørkelund, 96, 1180

9. Madridista, Karsten Bjørnebøle, 95, 1284

9. 10Hag & RVN, Sondre Espevik Bjelland, 95, 1238

9. LotsiLotta, Lotta Markhus, 95, 1235

Topp 10 totalt

Nr., Lag, Manager, Poeng runde 21, Poeng totalt

1. Petit Four, Niels Jakob Erlingsson, 74, 1430

2. YNWA-Voss, Terje Øye, 85, 1426

3. Bergyltene, Mats Hansen Eide, 60, 1406

4. Strikkeforeningen FC, Christin Medhus Eide, 76, 1401

5. Rotihop FK, Jostein Holsvik, 76, 1399

6. Roligstart, Tony Fondevik, 72, 1397

7. Livets vann, Johan Feet, 96, 1396

8. Bamsebukt XI, Øyvind Bjørnevik, 59, 1392

9. Bleikfeite Hyser, Fabian Ruud, 69, 1391

10. Quansah Konsa Cervez, Yngve Sundfjord, 93, 1388