Går i gang med utbetring av klubbhuset

Under gåveseremonien til Sparebanken Vest vart det delt ut 80.000 kroner til Halsnøy idrettslag. Leiar Richard Erlandsen og Roger Sjo tok i mot pengane som skal nyttast til lyddemping i klubbhuset, både i romma oppe og nede.

– Huset blir leigd ut til både konfirmasjonar, bryllaup og andre arrangement. Men vi har fått tilbakemeldingar om at det er noko lytt. Arbeidet skal starta opp ganske kjapt. Utstyret vil bli kjøpt inn for gåvemidlane, men jobben skal gjerast på dugnad. Vi er heilt avhengige av denne støtta for å kunna driva idrettslaget, opplyste Richard Erlandsen til Grenda.