Full fart mot NM for Ingeborg

– Her er det «gje alt-garanti». Ingeborg held ingenting tilbake i dei siste førebuingane til NM til helga. Det er bra trøkk i pedalane, og det blir produsert mykje watt andre plasser enn berre i Tveitaelva no om dagen, samanliknar trenar Per Korsvold når Hestad kostar oppover Auno i Omvikdalen på ein av dei mange treningsturane sine.

– I god form

NM startar med temporitt på torsdag ettermiddag, der Ingeborg stiller med ny temposykkel, som skal brukast i konkurranse for første gong.

– De blir spennande med ny sittestilling, men Ingeborg stiller til start med lave skuldrer og er ein outsider. Ho Har ikkje brukt temposykkelen i ritt før, så det er noko nytt for ho. Det er ein veldig aerodynamisk sittestilling, det er lite taktikkeri og sterkaste kvinna vinn. Ho skal sykla ei kort løype på 21,5 km, med nokre bakkar. Ho er i god fysisk form og kan overraska her, vurderer Korsvold.

Fredag er det gateritt, men Hestad og Krosvold er litt usikre på om Ingeborg stiller til start.

– Det kan bli litt kaotisk, og kanskje ho heller sparer seg til fellesstarten for kvinnene på søndag. Der blir det full fart. Men Ingeborg syklar på eit lag med åtte andre, og må køyra taktisk lagsamarbeid. Me håper Ingeborg får ein mogelegheit til å stikka, men me må sjå utviklinga undervegs, seier Korsvold.

Fellesstart

Ingeborg Hestad meldte tidlegare i vår overgang til CK Victoria. Dermed blir ho ein del eit lag med følgjebil heilt framme i køen av over 20 følgjebilar.

– Dette er ein lagsport med mykje taktiske vurderingar undervegs. Det er ikkje tillate med ritt-radio, men med bil langt framme er det enklare med oversikt, samt dei har fleire folk ute langs løypa. Det er langesonar og elles langing via bil. Ingeborg kjenner på kribling i magen og gleder seg, meiner trenaren.

Fellesstarten på søndagen er hovudsatsinga for Hestad i dette NM. Rosina i pølsa er at vinnaren får køyra med norgesflagget på drakta resten av sesongen.

– Ho har så inderleg lyst på eit godt resultat. Det kan bli litt oppgåver som henting av vatn på ho, og det er mykje nytt for ho som ho må læra seg fort. Det er ein del taktikk som ho må læra seg og finna ut av, sluttar Korsvold.

TV2 viser landsvegsrittet søndag frå kl. 1115.