Framifrå innsats i turneringsdebut
Det ferskaste volleyballaget til Trio var med i si første turnering i helga, og la ned fantastisk innsats.
Publisert
16 spelarar fødde i 2011, 2012 og 2013 fekk sin første smak på å delta i turnering med andre lag.
– Alle starta på volleyball hausten 2023. Trio vant dei fleste kampane sine, spelte noko uavgjort og tapte berre éin kamp. Ei flott foreldregruppe stilte opp og var med for å støtta laget, så det vart ein fantastisk tur med fokus på venskap, samhald og mykje latter og humor, seier trenar Tormod Gjerde Opdal etter helga.
Annonse
Trio stilte med totalt fire lag, og spelte 16 kampar i Bergen/Sotra i helga.
– Etter stor innsats på banen var det tid for å feira på McDonalds i kjent stil. Det spirer skikkeleg i volleyballen, det varmar ein entusiastisk trenar, smiler Opdal.
