– Fortente ikkje å tapa
Brent straffe og tverrliggjarskot gir ikkje resultat i målprotokollen, noko Rosendal-damene smerteleg fekk erfara i Vaksdal på søndag.
Publisert
– Vi fortente på ingen måte å tapa kampen, ut frå spel og sjansestatistikk, men det er talet på ballar i nettet som avgjer kor poenga hamnar. Trass i eit par store moglegheiter, lagar vi ikkje mange nok sjansar til at det blir mål nok for oss, kommenterer trenar Håvard Sætrevik etter tapet.
Det var lagets andre 0-1-tap på rad. Denne gongen hadde laget straffespark, utan å få utteljing.
Annonse
Kampen baud elles på eit gjensyn med Bente Haveland i Rosendal-drakt, 26 år etter sist ho spelte for klubben, då som Bente Musland.
– Vi klarte ikkje finna rette balansen mellom ro og tempo i spelet, og enda med å vera litt for hektiske. Den balansen skal vi prøva å finna til helga, seier Sætrevik.
