Fleire kvinnheringar har gjort det skarpt på LS

Malvin, som skyt for Kvinnherad skyttarlag i klassen Eldre rekrutt, klinte til med 30/24. Det betyr fullt hus og 24 innertreff, og han kom med det på 14. plass i innleiinga. Det betyr feltfinale på fredag. Han skaut òg fullt på minne-skytinga, som betyr 60 poeng. I baneskytinga enda han på 246 poeng.

I klassen Nybyrjar vaksen utmerka Henriette Merkesdal Røssland, Kvinnherad skyttarlag, seg med 5. plass på baneskytinga etter 247/15. På feltskytinga fekk ho 30/22, som gav ho ein fin 11. plass. Det er ikkje finaleskyting i denne klassen.

Kikkertklassen

Richard Totland frå Valen stilte i Kikkertklassen, og var dessverre gløymt i oppsettet Grenda presenterte førre veke. Han fekk fullt hus på felt med 30/23. Det er ikkje finaleskyting i denne klassen.

Stig Sjo Kårstad, Kvinnherad skyttarlag, kom på 31. plass i innleiingsskytinga med 241/9 og skaut finale på tysdag. Der fekk han 89 poeng, og enda med det på 330 poeng, noko som var eit stykke ned på listene.

Andreas Hansen, Kvinnherad skyttarlag, kom akkurat ikkje med til finaleskytinga med 16. plass i klasse 3-5 Ungdom. Han noterte 237/9.