Best treningsframmøte sett pris på i form av eigen premie, då Rosendal J2008 feira seg sjølv. Iselin Myklebust (t.h.) og Jalaica Muit hadde flest, medan Frøya Sverresdotter Hatteberg hadde notert seg for tredje flest treningar.

Feira godt treningsframmøte og puljesiger

Når du har gjennomført ein god sesong, men koronarestriksjonar gjer at du ikkje får feira på tradisjonelt vis, så lyt du finna ein annan måte å markera på. Det gjorde Rosendal J2008.

Håvard Sætrevik
Redaktør/Grenda
Publisert

I fleire tiår har fotballgruppa i Rosendal hatt som tradisjon å samla alle laga frå tiårstrinnet opp til dei eldste ungdomslaga til ein stor fest for både spelarar, støtteapparat og foreldre. Både i 2020 og 2021 måtte festen avlysast, men 2008-jentene kunne ikkje unngå å markera at dei i 2021 presterte ein sesong det skal bli vrient å toppa. Laget vann nemleg alle seriekampane sine, noko som onsdag kunne feirast med både pizza og medaljeutdeling til alle spelarane.

I tillegg vart best treningsframmøte sett pris på i form av eigen premie, der Iselin Myklebust og Jalaica Muit hadde flest, medan Frøya Sverresdotter Hatteberg hadde notert seg for tredje flest. No ventar første året med 11-arfotball for jentene, og etter planen skal laget meldast på i 1. divisjon i Hordaland Fotballkrets.

Rosendal J2008 gjekk gjennom seriespelet i 2021 med siger i alle kampar. Med på bragda var Malin-Kristine Arnesdatter Stølsvik (bak t.v.), Emilie Sandvik Aaseth, Synne Såtendal, Ronja Hatteberg Huke, Helene Hus Hansen, Maren Haugland Gundersen, Linnea Myklebust Ripel, Norah Hjønnevåg, Elina Naterstad, Ingeborg Skjelnes og Maren Skåla Seglem, Viktoria Bakke Alfarnes (framme t.v.), Frøya Sverresdotter Hatteberg, Jalaica Muit, Iselin Myklebust og Jeanette Steinsletten. Trenarar var Heidi Hatteberg og Vidar Alfarnes, lagleiarar Kristi Hatteberg og Siv Aaseth Sandvik.
fotball sport aldersbestemt idrett
Powered by Labrador CMS